Yellis n arif inu
Sudem fus i babam,
Yessɣar cem ula d cem
Mamec yessɣar umam.
Yejjam ca n wawalen
D taseddect n wedmam,
Itarhucen am tfuct
D yessajjan xef uleymam,
Sraqqan am tifawin
Mala telqid ṭṭlam,
Ḥeṭṭan am tileɣwin
War ttmarsant xef usennan.
Ad yeqqim ususem,
Ad yewwet iẓewṛan
Deg wudem nnem izewɣen
amewnaw benneεman.
Cenna mala tuyured
Ula d cem deg yebriden,
Cenna mala tennid
Uletmas n irifeyyen,
Cenna mala tennid
Babam yessɣar cem.
