Taɣaṛṛabut n waman
Ul inu war cem yeggʷid,
Mli war lli d anezwi n yemma
Ili aqqa teẓṛid.
Taɣaṛṛabut n waman
Tnaya dayem tirid,
Tnaya dayem d asusef
X temẓa mm uyeddid.
Uriɣ xafem εawed uriɣ xafem
Ma war dayi tesrid ?
Niɣ ttɣiled uriɣ waha,
Uca deɣya teshid !
Ma ttɣil am uriɣ,
Kkiɣ iɣẓaṛ iɣẓar.
Ser d ad am iniɣ,
Akidem ceddeɣ awal,
Γar «tefrit n aṛṛemman»
Niɣ «lmaṛṣa n ucebdan»
Din i ɣa nemsagar.
Egg mayen texsed
Texsed εad ad ẓaṛeɣ yemma,
Ad cem ssudmeɣ zeg wḍaṛ.
Mala ḥadur tugid
Egg ayi ass ameggar.
