Ased nec d ccem
A nembeddar
Ad dured d awtem
Ad dureɣ tawtemt
A teddard tudart inu
Ad ddareɣ am teddard
Ased a nembeddar
Ijn w ayur
Niɣ d aseguas
Ad zarɣ tudart
S tittawin nem
Am txsed a t‑xzerd
S min dayi d axemem
Ad sneɣ min teɛnid
A tsned ma ɛniɣ!
Aḍrayi tyacit
Ad am arḍreɣ tungint
Ad nedwer a nembeddar
Iri cm d tanimart
Nec ad fɣeɣ ad mjarɣ
Xmi ten ɣa syamiɣ
Cem aten tesseccid
Ad ssizreɣ idammen
A tssziɣed imeṭṭawn
Ksi min dayi ttiqest
Axam ksiɣ ddiset
Ksi zzayi tiṣeqḍar
Axam ksiɣ awar
Xmi ɣa yeqfer uyur
Ad ssizreɣ idammen
Cem sizeɣ imeṭṭawen
Ad nedwer a nmesbeddar
Uca ataf a nemsawar
Adjeɣ dayi, ad‑ayi tsned
Ad‑aym ɣeḍseɣ a nermed
Aneg ifassen nnem
Dg fassen inu
Niɣ ifassen inu
Dg inni nnem!
Wi ten d ɣa yesserqan
Wi ten ɣa yessiɣen
Wer ytɣimi d aseqsi
Mara aceddi yennefsi
Ma ad tezwid ma ad zwiɣ
Ma ataf a neẓwa jmiɛ
An farz tiseqqar
Zi min icarf useɛqar
!!
