Itet deg ixef nnes.
Ikessi, yesrusa, yetsettef,
Min war yeǧin nnes.
Ura d taṣḍart nni yarbu,
Tujar aεrur nnes.
Min yuɣin arifi,
Ituf, ixessi ɣa x wi yeǧan nnes.
Tudert mri amenni teǧa,
Ad iri tiyru reḥnud nnes.
Taḥeryaḍt ttek tεeddu,
Tɣima rimat nnes.
Min yuɣin arifi,
Yarennid ca x ca, ca nni war yeǧi.
Mermi mma nennas nefrat,
Teffeɣd manis nneɣni.
Aqqa ticcin nitenti εmmas,
War tmunent aked rḥenni.
Min yuɣin arifi,
Amezruy war zzay-s iremmed,
Umas war ɣar-s i tesri.
Minzi amedyaz n dcar,
Ntexsit ɣa xmi ikessi deg izri.
Umac aqqa d umac,
Waxxa tefzet war d ac iɣeǧi.
