Ttexsen ad netwattu
Xef yetri ad nuyur,
Ttexsen amezruy nneɣ
Deg yifri ad ittwamḍeř;
Ttexsen zzayneɣ aseɣdi
Ad neqqim řebda nesqar,
Ttexsen awař nneɣ
Xef yiřes war ifetter,
Ma tzemrem i beṭṭu
I weysum xef waccar?
Tamaziɣt d tamagit
D tidet war tt neneṭṭeř,
Waxxa i ɣa teggem
Min ɣarwem d tizemmar;
Neccin war nettmetti
Neccin řebda neddar,
Ad nari idlisen
Deg ujenna ad ten nefsar;
Ad fsaren xef tidet
Ijjen war ten iɣeṭṭer,
Neccin war nettwattu
Xef tidet war nettweḍḍir.
