Traɣiɣamd a yemma
Zi rwast n regnuss
Bdiɣ cem d amezyan
Nec ɛad d fidjuss
Mandaɣ di barra
S wezyen u harkuss
Tetseɣ deg axxam
Marra qaɛ d rmassuss
Tnuseɣ ɣa waḥdi
Darɛeɣ i w-amnuss
Ddareɣ s tamara
Ssummutex a cammuss
Takkerɣ ɣa refjar
Ɣa tsaɛɛet n nnaquss
Ad fɣeɣ zi tewwat
Taqreft rebda deg fus
Marra min ɣa yiniɣ
Manaya ɛad druss
Arrad xafi a yemma
Abrid d-aqattuss
Tmara taccayi
Dawreɣ am namuss.
