Temsagar tayri d tmexsa,
Deg ubrid n tudart id yusin ad tessenḍi
Tiṭṭawin wḍant di radjaɣ n uxaṛṛeṣ
D tirja n usrudji.
Taseklut n tayri teswa zeg useynu n uṛaji;
Iẓwṛan nnes deg wurawn
Anẓar xaf sen war ikessi.
Msagarent rxezrat mkur ict txes ad tezdeɣ
Ticri deg ijj n uṛaq,
Ḥuma war tɛeddu tayri itarran afadi
Iɛdu unebdu d tajrest.
Usint id tfeswin benneɛman deg yeyyar
Itṛaja amsagar.
Ma tayri zi mermi tnewwaṛ!
Tetṛaja ad ibed uyur
Ad days tetwara tirja fsarent;
Ssunt tusmin drint timexsa
Ad tgeɛɛed taziri;
Udem nnes ad issaṛɣ timedditin
Ad fesyen ifeqqusen zeg wurawn;
Ɛad war iẓṛin ixef nsen di tisitin.
