Tafunast n jeddi
Smuttyen-tt zi leɛrasi
Ɣer wusnnan n umessuki
Jeddi netta, iɛdel-as aceddi
Ḥenna nettat, teqenn-itt di tili
Jjullen; ijjen wer tt-yeznuzi
Aceffay-nnes yuẓɣen
Yejja deg-neɣ afadi
Tlussi-nnes yeqḍan
Ẓẓelḍ ilqef-aneɣ
Ini-ayi-dd a tafunast n jeddi
Mani i dam-čan azellif?
Mani i dam-ɛanen ayenfif?
Ma aqqa-cem di tudart?
Ma ssekken-cem ɣer laxert?
Ma isergeḍ-icem yisiḍ n uẓɣar?
Ma tsergeḍ-icem ẓaxart
Zeggami yemmut jeddi
Wer dam-ufiɣ limart
Zeggami i temmut ḥenna
Wer dam-ttesliɣ i wesmuhart.
