Yeẓwa, yeẓwa-d uraɣi,
Suffen-t imeṭṭawen
D awaren n razaɣ
N ragwaj t-yeseryen.
Ijn wawar ijars,
Ijn d isefḍawen.
Yesnuyr aseqsi:
Aman d tmessi munen?
Ma d aɣyay n ariḍa
Jar-aneɣ iɣemyen?
D arrimet temsebḍa?
D urawen msezdaɣen?
Niɣ d aseqsi
N yitran-inu ixesyen?
D cḍiḥ n yiḍennaḍ
X tfuct-nnes iɣeryen?
D amexriɛ n tyuri neḍni
Id ɣa yasen?
Niɣ d fus d areqaɛ
Id ayi d ɣa yarren
Ɣar tteḥneḍ n yemma
Zzay-i yeqarṣen?.
