Aqqa-neɣ.. nessuruf...
Asurif yeḍfer uma-s, uca ad tqad tekli-nneɣ...
Ahnacim deɣya, aqa wa d alaɣi ḥuma a nfekk iles-nneɣ zi tmettant, maḥend a nekkes tisuḍar zeg webrid i di tettneqraḍ tnettit-nneɣ, maḥend a nezzelz taɛejjajt i iweḍḍren tifraz-nneɣ...
Tadelsa n Arrif, d tɣuyyit n iẓewran i di xsen ad sḥegnen idammen.. d asfirnen n unibu i umi slemden imeṭṭawen, d ṭṭibet n ukal n idemrawe, d unuḍ n yezlan n buya aked tsirt n ufus, ḥadar a dd-teḥri min ffuden wulawen!...
A win i yexsen ad yeɣli, a tin i yexsen ad tweḍḍer, rwaḥ ɣer yexf-nnek, rwaḥ ɣer yiman-nnem... sers akid-i aẓru n ddsas, maḥend a nebna taddart n tdelsa d tussna, i yewdan i dd-ittalyen.
