Tiseɣnest d tamedyazt
Ad t ariɣ s uɛeffar.
Ad t iɣennej unitci
At t iɣar umeḥḍar.
D anaruz n useymi zi
Tlalit ar ɣ ad yemɣar.
D tagrawla n umaziɣ ass,
I di yuri ɣar wedrar.
D tiwsi zi ɣar Nunja d
Dihya wami tuɣa teddar.
Tennam arem zzay s a yabehrûr
Ɣnes zzay s a rizar.
Ɣens it x idmaren d
Tracna i tmaziɣt ad teddar.
D aweṣṣi i cem a yelli
Arecm it x izuɣar.
Isem nnem d amaziɣ
Reḥm as ɣar m ad m iweḍḍar.
Seqsa amezruy x Yuɣurṭa d
Yuba min tuɣa yeqqar:
Tamazɣa, Tamazɣa tudert d
Ay m d asitem i waḍan d asafar.
Tuɣerma nnem d iẓewran n umaḍal d
Tidett war dejji min ɣ ad neffar.
