Srmd ayi ad uyurɣ
A yadhar n ubarran
Ticri n abdekrim
D muḥnd amzyan
War gwarɣ ad xriɣ
Ɣar tmurt n uliman
Ad qimɣ di tmurt inu
Arrif inu ycnan
Srmd ayi ticri
N muḥnd amqran
Ysmunen tiqbbar
Amcnaw iḍwḍan
Istf itn d asddi
Amcnaw iɣunam
War tn itidf usmmiḍ
D buzgwaɣ aɛffan
Ifard lbarani zg
Idurar d iɣzran
Srmd ayi ad uyurɣ
A yadhar n ubarran
Inas i abdkrim
Aqa dwrn d wussan
Ussan nni tddarm
Ck d muḥnd amzyan
Ssntananɣ d s uzawar
D wnday n isndan
Ca gin xas rkif
Ca gin xas azidan
Ca stlɛen t ɣar barra
Ca xmrn t dg ifran
Ca yga fus akid sn
Itarra imzran
Yznuza dg ayt mas
Amcnaw buywzan.
Srmd ayi ad uyurɣ
A yadhar n ubarran
Ticri n abdekrim
D muḥnd amzyan
Ad snɣ ad uyurɣ
Ɣar tziri d ytran
Akud a di ndja
D ck xas i ynnan
Akud i di d usiɣ
Yssizwar ayi zman
Ad d yas ijj n wydud
Ad yfhm min yɛdan
Ad yfhm i wxars
I ɣari d amqran...
