Tanit, dr ayi d s afriwen nnem
D icedraq.. d icedraq
Iri d ur n umas n raxart ifaq
Niɣ d tungint nnes i turjan
Refwar n imenɣi inɛarq
Nemsagar…
Afra idḥa neɣ d akud, tumart d raq
Nezdeɣ aya deg ya d tezzinet
N itran d iḥudaq
Rextu buḥber n dunect s tayri
Imsersaq
D taqebbiḍt n usasnu…
Tmuɣri nnes tedduysar
Deg iẓuran n wassam ɣar resfaq
Ad tacem arrimet n umaḍal ad tfaq
Tanit twenna:
Ad tfaq.. ad tfaq, hant tfaq !!!
Ca n twara ad tefsar iṣuraf nnes
X wedfer d icebraq
ict n twara issiwer d usqasi n uɣedjuy:
d nec isɣeryen aɣrum iḥarq?
isiwerd umeslay n wenqar ibaq:
ima d nec i d isḥuccen reɛwin isxeyyaq.
Tittawin ɣedrent id abriwen
X rxezrat d aḥewwaq
Fɣent id tmijjawin zi zhir
N rebwaq
Arrimet n umaḍal tegga «big bung»
Temsedjaq, temsedjaq…
