Uyur ad niri d tnayen n isekkurn,
Ad names rḥenni i tfednin n iḍaren,
Ad narr ussan nneɣ d reɛyud ttemseḍfaren,
A nbedd x yesri i tuɣa d ane ɣ yeffaren,
Ad nejj reɛdu nneɣ marra day neɣ d xẓẓaren.
Waxxa war neṭṭiw, gza aneɣ ijj n wemcan,
Ad niri nec d ccem war dji wi d aneɣ ɣa ad yebḍan
Uyur ad niri d tnayen isekkurn,
Ad names rḥenni i tfednin n iḍarn,
Ad nbedd d ijj n wedrar jar tmurt d yetran.
War t’ tiryen imnusen war t’ tcuqin ifeqsan.
Ad nari ijj n umezruy war dji wi t’ ɣ ad yemḥan.
Uyur ad niri d tnayen isekkurn,
Ad names rḥenni i tfednin n iḍarn,
Ad nejj ijj n yezri d ajdjid x yezran,
Ad as negg nec d ccem, a yedji s n imezɣan,
Ass i ɣ ad mteɣ ɣar it cem x imeḍran.
