Meεlik ufiɣ...
Ad zzuɣɣreɣ tasɣart inu n tudert
A tt-ddreɣ di ca n tmurt
Ad becceɣ x isemɣan i yerbun amẓiwen,
Ad ssefyeɣ ul-inu d addriwen...
Wer ttweṭṭiɣ!
Ad ɣmummyeɣ di tmijja n beṭṭu,
A t-smuneɣ d anexḍef zi weṭṭu,
D aswizi jer wawmaten,
D tamunit n wulawen...
Ad qziɣ!..
Ad sgiḥegḥeɣ jer teɣmas n yiṭan,
A dd-agmeɣ tilelli d iẓewran,
Ad becceɣ x isemɣan,
Uca ad hniɣ...
Meεlik ufiɣ...
Meεlik ufiɣ...
