Snufasled asɣun tuɣa d aneɣ iṭfen
Ṭesxaɣqeḍ ilef tuɣa izadɣen iɣazran
Ṭekmumced deg uru am wenni iharcen
Ṭesɣuyyud ɣer ujenna am usiwan iṭṭawen
In ayi maymmi d aneɣ ṭkassid buḥber?
In ayi maymmi d aneɣ ṭaɣzid anḍer??
Ma negga kidem cra s min wer yaḥrin?
Ma nenɣ am cra n weḥbib ahy ṭin ...?
Nec usiɣd ɣar wem cnaw cra n ṭḥajiṭ
Ad awem slamdeɣ umi qqaren ṭɣufiṭ
A zzay wem kseɣ umi qqaren ṭrariṭ
Ḥum ad ṭlemdam umi qqaren ṭamuniṭ
Ṭesxayqem asaynu idwel wer itru
Ṭshazzem arrimeṭ n iẓri deg usefru
Ṭenɣim ṭwiza ṭetwarcem deg uzru
Ṭessarazgem ṭudart ṭedwel d mirru
