Yeɣwiwwes usitem
Ɣer wgaji a t-yesselḥem
Yufa din ul-inu,
Yelluẓ, netta yendxem!
Yeqqinseb akid-s,
Yeftel akid-s axemmem
Yusus akid-s d iceddan,
Mkul aceddi s lhemm!
Yenḍehwar usitem,
Yeqqusbar, yedwel yezhem,
Yeɛfes x-as wul-inu,
Yessefy-it d axemmem.
Axemmem isiɣi yeggur,
Di ddmani n uneɛdem,
Ifessi di lehmum,
Ixebbec itteddem.
Yesqerqub x twura,
La d ijjt ma tennurẓem
Ibriden zzugarten
D usurif kid-sen ileḥḥem.
Tkeḥḥel tiṭṭ n usegnu,
S lazaɣ yumes abissem.
Amen ikeḥḥel wul-inu,
S uxemmem d usitem.
Afra, 26/11/2019
