Iri cem d ayel,
Nec ad day m fedḥeɣ,
Isi yi x tessfay nnem,
Qa nec fsuseɣ,
Sḥinneb ayi s ifassen nnem,
Jar asen ad ẓreɣ,
Tegged ayi hellararu,
Ad taɣ ad nnudmeɣ,
Ad ttuɣ imunas,
D tfeqqaɛ zi herceɣ,
Seẓẓwa ayi ɣar ujemmaḍin,
Mani war ssineɣ,
Awi yi ɣar ragʷaj,
Mani war txeyyiqeɣ,
Amc d ayi nnan,
Tirelli din t ɣ ad yafeɣ,
Tmecceḍ acewwaf,
Traja yi ad aseɣ,
Ad as d awyeɣ ariḍaḍ,
Tanemract ad t ggeɣ.
Iri cem d ajenna,
Nec ad day m deḍweɣ,
Ad ceqḍeɣ tirelli,
Di tmurt nneɣ ad tareɣ.
