Marra ɣaryent tfuyin i d yenqaren
Di tɣuyyit n wussan,
Deg ureqqasen n zman,
Di zhir n iraɣan.
Nuyur ticri yeggʷren
D ticri yetrajan...
Msarwasen yibriden d waṭṭaṣ n iɣeẓran.
Tariwin, idurar, tacediya deg iyran.
Asmuhart n iṣemmiḍen d usḥinḥen n iẓewran.
Rami d neɣmi iɣir aneɣ d asennan
Tifray n wurtu wḍant i d d iseqsan.
Rqabra d ttenni i ten issirden ɣar imeḍran.
Tiṭṭawin icten tru d, icten ɛad tɛayan
Fulleɛleɛ di remraḥ
Tanuffra axmi d ɣ ad mɣaren iseyman
Ad tennufser tiri n iɛerbab
Tmmurt nneɣ mmuten ayet bab...
