Rebḥar war iteffez
Yessen ɣar ad iɛuq
Ajjaj itegg ddriz
Netwara ɣar rebruq
Siwer cway cway
War xaf-i tegg rbuq
Ya cḥar i tesned
A tegged ljuq
Amsefham s rxaḍar
waǧi ca s ssuq
Uyak marra nessen
Twiza ttiri s dduq
I mayemmi tarezzid
Rqedd i wezɛuq
Ssekwar ifessi
Waxxa d abeɛquq
Awar aṣebḥan
Timessi a tt-icuq
Taɣennanti day-k
A tt-tecced d ameḥruq
Balak d nettat
I c-yeggin aɛenquq
Tejj-ic tweddared
War tɛeddud axenduq
